[i553]
DE LA VILLE DE PARIS.
233
deliberé et conclud le faire et abatre la grand mu­raille de lad. ville jusques à troys piedz près de terre, et faire ung grand passage pour aller à la riviere de Seine à l'endroyt dud. trou Pugnais; et que les
pierres provenans desd, abatiz seront employées à la fortiflication de lad. ville. Et pour ce faire sera expedié Ordonnance au m* des œuvres de masson­nerye de lad. Ville.
CCCCXVIII. — Deffences aux crocheteurs, dont la teneur ensuyt.
16 octobre i553. (B fol. 24o v°.)
k Au jour d'huy, au Bureau de lad. Ville, pour ob­vier aux exactions et larcins que l'on dict estre faittes par les crocheteurs et débardeurs des portz de lad. ville et dont sont venuz et viennent journel­lement plusieurs plainttes à lad. Ville, qu'il n'est possible de dissimuler;
" A esté ordonné que monsr Le Sueur, Eschevin de lad. Ville, et le Procureur du Roy d'icelle, se trans­porteront sur lesd, portz pour illec faire deffences ausdictz crocheteurs et desbardeurs de ne prendre 11e exiger aucuns deniers des bourgeois de lad. ville,
mais prandre seullement sallaire des marchans à qui apartient led. boys : sur peine, quant àla premiere foys du quarquam, pour la seconde du fouet, et pour la tierce de la hart. Ce ce qui sera publié à son de trompe.
"El est enjoinct à tous marchans dud. boys, sur peine d'amende arbitraire, de venir dénoncer au Bureau de lad. Ville les reffusans de descharger led. boys aux sallaires qui leur sera baillé par lesd, mar­chans de boys.
"Faict le xvi0 jour d'Octobre i553."
CCCCXIX. — Ordonnance au Maistre des OEuvres, cy après transcripte.
17 octobre 1553. (B fol. 24i r°.)
rM" Guillaume Guillain, me des OEuvres de mas­sonnerye de la Ville de Paris, nous vous mandons et commandons que inconlinant, et sans delay, vous faittes estoupper les fenestres et veues estans entre les
maisons du Petit Pont et le Petit Chastelet qui ont leurs veues dedans lesd, maisons, et n'y faittes faulte. "Faict au Bureau de la Ville, le xvii0 jour d'Oc­tobre mil v° lui. n
CCCCXX. — Visitation de la fontaine de clichon et autres*1'.
17 octobre 1553. (B fol.
[Du xvii" jour d'octobre v° Lin.] . "Ce jour d'huy, de relevée, Monsr le Prevost des Marchans, acompagné de moy Greffier de la Ville de Paris, Recepveur, Contrerolleur, m" des OEuvres de massonnerye et fontenier de lad. Ville, nous nous sommes transportez de l'Hostel d'icelle Ville en l'hostel de Clichon, de present appelé l'Hostel de Guise'2', pour illec veoir et visiter les thuyaulx de la fontaine dud. lieu pour la faire remettre en son cours acoustumé d'ancienneté. Et après avoir iceulx "thuyaulx veuz et visitez, nous nous sommes trans­portez en l'hostel de l'Ermitage près l'escuirye dudict Clichon, auquel lieu avons trouvé une fontaine coul­lant dedans un moyen basin de pierre. Et dud. lieu
a4i v°; A fol. 68 v°.)
nous sommes sortis par l'huis de derriere led. hostel et entrez à la Cousture du Temple, pour veoir le re­gard qui est à lad. Cousture par où l'eaue soulloit venir aud. hostel de Clichon.
"Ce faict, nous sommes rentrez au second jardin dud. hostel de l'Ermitage, auquel a une fosse par laquelle l'on veoit le thuyau de lad. fontaine à des­couvert, duquel thuyau a esté advisé pour le plus court y adjouster ung thuau pour remetre le cours à lad. fontaine de Clichon.
"Dont le fontenier a demandé ordonnance, qui luy a esté accordée.
«Faict le xvii0 Octobre mil vc lui."
(" Rubrique du Registre A, lequel comme précédemment fait usage du style indirect. (2) Voir la note 1 de la page 2 3o.
3o